इंग्लंड आणि वेल्स क्रिकेट बोर्डाने (ECB) भारताविरुद्धच्या तीन सामन्यांच्या वनडे मालिकेसाठी 16 सदस्यीय संघाची घोषणा केली आहे. एकदिवसीय मालिकेतही इंग्लंडने संघाची कमान हॅरी ब्रूककडे सोपवली आहे. अनुभवी फलंदाज जो रूटचा वनडे संघात समावेश करण्यात आला आहे. तर फिल सॉल्ट वनडे संघाचा भाग नाही. एकदिवसीय मालिकेसाठी इंग्लंडने 16 खेळाडूंची निवड केली आहे.
भारत आणि इंग्लंड यांच्यात 14 जुलैपासून तीन सामन्यांची एकदिवसीय मालिका खेळवली जाणार आहे. पहिला एकदिवसीय सामना 14 जुलै रोजी एजबॅस्टन येथे, दुसरा एकदिवसीय सामना 16 जुलै रोजी कार्डिफमध्ये आणि तिसरा आणि अंतिम एकदिवसीय सामना 19 जुलै रोजी लॉर्ड्स येथे खेळवला जाईल. सध्या दोन्ही संघांमध्ये पाच सामन्यांची टी-२० मालिका खेळवली जात आहे. एकदिवसीय मालिकेसाठी बीसीसीआयने आधीच टीम इंडियाची घोषणा केली आहे.
इंग्लंडने एकदिवसीय संघात फिल सॉल्टला संधी दिली नाही. बेन डकेट, टॉम बँटन आणि विल जॅकच्या रूपाने तीन सलामीवीर फलंदाज आहेत. याशिवाय एका नव्या चेहऱ्यालाही इंग्लिश संघात स्थान मिळाले आहे. युवा फिनिशर फलंदाज जेम्स कोल्सला प्रथमच इंग्लंडच्या वनडे संघात स्थान मिळाले आहे. भारताविरुद्धच्या तीन एकदिवसीय सामन्यांच्या मालिकेसाठी इंग्लंड संघात जोफ्रा आर्चर, जोश टाँग, गस अटिकसन, साकिब महमूद आणि सॅम कुरन या पाच वेगवान गोलंदाजांचा समावेश आहे. रेहान अहमद आणि आदिल रशीदच्या रूपाने दोन फिरकीपटू आहेत.
भारताविरुद्धच्या तीन एकदिवसीय सामन्यांच्या मालिकेसाठी इंग्लंड संघ- हॅरी ब्रूक (कर्णधार), जोफ्रा आर्चर, जो रूट, टॉम बँटन, गुस ऍटकिन्सन, जेकब बेथेल, जोस बटलर, जेम्स कोल्स, सॅम करन, लियाम डॉसन, बेन डकेट, विल जॅक्स, साकिब महमूद, रेहान अहमद, आदिल रशीद, जोश टंग.
इंग्लंडच्या सोफी एक्लेस्टोनने उपांत्य फेरीत इतिहास रचला, सर्वाधिक विकेट घेणारी फिरकी गोलंदाज ठरली
