जगभरातील क्रिकेट चाहते आणि माजी क्रिकेटपटू वैभव सूर्यवंशीला आंतरराष्ट्रीय क्रिकेटमध्ये खेळताना पाहायचे आहेत. आयपीएल 2026 मध्ये आपल्या तुफानी फलंदाजीने संपूर्ण जगाला आपला चाहता बनवणारा वैभव अजूनही आंतरराष्ट्रीय क्रिकेटमध्ये पदार्पणाची वाट पाहत आहे. आयर्लंड आणि इंग्लंडविरुद्धच्या T20 मालिकेसाठी त्याची टीम इंडियात निवड झाली होती, पण त्याला ना आयर्लंडविरुद्धच्या दोन्ही सामन्यात संधी मिळाली, ना इंग्लंडविरुद्धच्या पहिल्या T20 मध्ये. आता भारताचा माजी कर्णधार आणि दिग्गज फलंदाज सुनील गावस्कर यांनी या १५ वर्षांच्या तुफानी फलंदाजावर मोठे वक्तव्य केले आहे.
‘सोनी स्पोर्ट्स नेटवर्क’वर सुनील गावस्कर म्हणाले, “जेव्हाही वैभवला संधी मिळेल तेव्हा हा विलंब त्याच्यावर अधिक दडपण आणेल. वयाच्या १५ व्या वर्षी तुम्ही दबावाचा फारसा विचार करत नाही. त्याला माहीत आहे की, दुसऱ्या आणि तिसऱ्या सामन्यात संधी मिळाल्यास त्याला कोणत्याही परिस्थितीत चांगली कामगिरी करावी लागेल. पण संघात आल्याने तो आनंदी आहे. वैभवकडून भारतीय संघ खूप काही शिकू शकतो.”
वैभवला इंग्लंडविरुद्धच्या मालिकेत संधी मिळाल्यास तो पुरुषांच्या T20 आंतरराष्ट्रीय स्पर्धेत खेळणारा सर्वात तरुण खेळाडू ठरेल. सध्या हा विक्रम आयर्लंडच्या जोशुआ लिटलच्या नावावर आहे, ज्याने वयाच्या १६ वर्षे आणि ३०९ दिवसांत पदार्पण केले. सचिन तेंडुलकरला मागे टाकून तो भारताकडून खेळणारा सर्वात तरुण खेळाडू बनणार आहे. सचिनने वयाच्या १६ व्या वर्षी आंतरराष्ट्रीय क्रिकेटमध्ये पदार्पण केले.
भारत आणि इंग्लंड यांच्यातील पहिला टी-२० आंतरराष्ट्रीय सामना पावसामुळे गमावला. नाणेफेक जिंकून प्रथम फलंदाजी करताना भारताने 20 षटकांत 7 गडी गमावून 189 धावा केल्या. मात्र, मुसळधार पावसामुळे इंग्लंडला फलंदाजीची संधी मिळाली नाही आणि सामना रद्द करावा लागला. टीम इंडियाकडून अभिषेक शर्मा (59 धावा) आणि कर्णधार श्रेयस अय्यर (68 धावा) यांनी अर्धशतके झळकावली. त्याचवेळी शिवम दुबेने 21 चेंडूंचा सामना करत 42 धावांची नाबाद खेळी केली. मात्र, संजू सॅमसन, इशान किशन आणि टिळक वर्मा यांना फलंदाजीत काही विशेष दाखवता आले नाही.
हेही वाचा-
