लॉर्ड्स कसोटीत इंग्लंडने न्यूझीलंडचा 115 धावांनी पराभव केला आहे. चौथ्या डावात न्यूझीलंडसमोर 254 धावांचे लक्ष्य होते, मात्र प्रत्युत्तरात किवी संघ केवळ 38 धावाच करू शकला. लॉर्ड्सच्या मैदानावर खेळलेला हा 150 वा कसोटी सामना होता, ज्यामध्ये बेन स्टोक्सने कर्णधार म्हणून विजय मिळवून इतिहास रचला आहे.
बेन स्टोक्सने आता इंग्लंडच्या सर्वात यशस्वी कसोटी कर्णधारांच्या यादीत ॲलिस्टर कुक आणि अँड्र्यू स्ट्रॉसची बरोबरी केली आहे. कर्णधार म्हणून बेन स्टोक्सचा हा २४वा कसोटी विजय होता. स्ट्रॉस आणि कुक यांनी कर्णधार म्हणून इंग्लंडसाठी 24 कसोटी सामने जिंकले. इंग्लंडसाठी सर्वाधिक कसोटी जिंकणारा कर्णधार जो रूट आहे, ज्याच्या नेतृत्वाखाली इंग्लंडने २७ सामने जिंकले.
एका सामन्यात 40 विकेट
कसोटी सामन्यात सर्व 40 विकेट पडल्याचे अलीकडच्या काळात क्वचितच पाहायला मिळाले आहे. इंग्लंडने पहिल्या आणि दुसऱ्या डावात अनुक्रमे 140 आणि 226 धावा केल्या होत्या. तर न्यूझीलंडने पहिल्या आणि दुसऱ्या डावात अनुक्रमे 113 आणि 138 धावा केल्या. या सामन्यात सर्वाधिक बळी घेणारा गोलंदाज न्यूझीलंडचा नॅथन स्मिथ होता, ज्याने दोन्ही डावात मिळून 9 विकेट घेतल्या. तर इंग्लंडकडून ऑली रॉबिन्सन आणि गस ऍटकिन्सन यांनी ७-७ विकेट घेतल्या.
इंग्लंडने 150वी कसोटी जिंकली
लॉर्ड्सचे मैदान हे असे स्टेडियम आहे ज्याने इतिहासात सर्वाधिक कसोटी सामने आयोजित केले आहेत. लॉर्ड्सवरील 150व्या कसोटीत इंग्लंडचा पहिला डाव 140 धावांवर आटोपला. न्यूझीलंडला पहिल्या डावात 113 धावा करता आल्याने इंग्लंडला 27 धावांची किंचित आघाडी मिळाली, जी नंतर खूप महत्त्वाची ठरली.
दुसऱ्या डावातही इंग्लंडची मधली आणि खालची फळी फ्लॉप झाली, पण बेन डकेटच्या 33 धावा आणि एमिलियो गेच्या 57 धावांच्या जोरावर इंग्लंडने दुसऱ्या डावात 226 धावा केल्या. पहिल्या डावातील आघाडीच्या जोरावर इंग्लंडने न्यूझीलंडला 254 धावांचे लक्ष्य दिले होते. डेव्हॉन कॉनवेने 41 धावा केल्या आणि ग्लेन फिलिप्सने 44 धावांची इनिंग खेळून न्यूझीलंडला सामन्यात रोखण्याचा पुरेपूर प्रयत्न केला, पण पराभव टाळता आला नाही.
हेही वाचा;
अफगाणिस्तानचा पराभव झाला तरी डब्ल्यूटीसीमध्ये टीम इंडियाला फायदा होणार नाही? कारण आश्चर्यकारक आहे
