IPL 2026 च्या 61 व्या सामन्यात रॉयल चॅलेंजर्स बंगलोर (RCB) ने प्रथम खेळून पंजाब किंग्जला (PBKS) 223 धावांचे लक्ष्य दिले आहे. पुन्हा एकदा पंजाबच्या खेळाडूंनी खराब क्षेत्ररक्षण केले, ज्याचा आरसीबीने पुरेपूर फायदा घेतला. या मोसमात 9व्यांदा पंजाब किंग्जने 200 हून अधिक धावा केल्या आहेत. तर आयपीएल 2026 मध्ये 53व्यांदा 200 पेक्षा जास्त स्कोअर झाला आहे. आरसीबीने 20 षटकांत 4 गडी गमावून 222 धावा केल्या.
rcb साठी विराट कोहली 58 धावांची शानदार इनिंग खेळली. त्याने चार चौकार आणि तीन षटकार मारले. तर व्यंकटेश अय्यरने 40 चेंडूत नाबाद 73 धावा केल्या. त्याने 8 चौकार आणि 4 षटकार मारले. देवदत्त पडिक्कलने 45 धावा केल्या. तर टीम डेव्हिडने 12 चेंडूत 28 धावांची खेळी केली.
पंजाबचा कर्णधार श्रेयस अय्यरने नाणेफेक जिंकून प्रथम गोलंदाजी करण्याचा निर्णय घेतला. बेंगळुरू संघाने तिसऱ्याच षटकात जेकब बेथेलची (11) विकेट गमावली. हरप्रीत येताच देवदत्त पडिक्कलने षटकार खेचला, तर कोहलीने अजमतुल्ला ओमरझाई आणि लॉकी फर्ग्युसनचे चेंडूही प्रेक्षकांना धाडले. अशाप्रकारे आरसीबीने पॉवरप्लेमध्ये एका विकेटच्या मोबदल्यात 61 धावा करत दमदार सुरुवात केली.
पडिक्कलने चहलचे दोन षटकारांसह स्वागत केले तर कोहलीनेही लेगस्पिनरवर चौकार मारला. मात्र, पडिक्कल चांगल्या फॉर्ममध्ये दिसत असताना त्याने हरप्रीतचा चेंडू थेट कव्हर्समध्ये अय्यरच्या हातात गेला. 25 चेंडूंचा सामना करताना त्याने चार चौकार आणि तीन षटकार मारले.
बंगळुरूचे धावांचे शतक दहाव्या षटकात पूर्ण झाले. कोहलीने चालू मोसमातील चौथे अर्धशतक 31 चेंडूत शशांक सिंगवर एक षटकार आणि एक धाव घेत पूर्ण केले. फर्ग्युसनवर चौकार मारल्यानंतर व्यंकटेशनेही हरप्रीतवर सलग दोन चौकार मारले. व्यंकटेशने 15व्या षटकात चहलला दोन षटकार खेचून संघाची धावसंख्या 150 धावांच्या पुढे नेली, पण त्याच षटकात कोहलीने डीप मिडविकेटवर प्रियांश आर्यकरवी झेलबाद केले.
व्यंकटेशने 17व्या षटकात फर्ग्युसनवर दोन षटकार आणि एक चौकार लगावला आणि यादरम्यान त्याने 29 चेंडूत मोसमातील पहिले अर्धशतक पूर्ण केले. पुढच्याच षटकात संघाच्या धावांनी द्विशतकही पूर्ण केले.
