ऑस्ट्रेलियाने मे-जून 2026 मध्ये पाकिस्तानविरुद्धच्या एकदिवसीय सामन्यासाठी आणि बांगलादेशविरुद्धच्या पांढऱ्या चेंडूंच्या मालिकेसाठी आपला संघ जाहीर केला आहे. आयपीएल 2026 मध्ये खेळणारा मिचेल मार्श या दोन्ही फॉरमॅटमध्ये संघाचे नेतृत्व करताना दिसणार आहे.
पॅट कमिन्स, जोश हेझलवूड आणि मिचेल स्टार्क यांना विश्रांती देण्यात आली आहे. बिली स्टॅनलेक आणि रिले मेरेडिथ यांचे वनडे संघात पुनरागमन झाले आहे. ओली पीक, लियाम स्कॉट आणि जोएल डेव्हिस यांचा प्रथमच ऑस्ट्रेलियन संघात समावेश करण्यात आला आहे. पीकचा केवळ पाकिस्तानविरुद्धच्या एकदिवसीय मालिकेसाठी संघात समावेश करण्यात आला आहे, तर स्कॉटचा केवळ बांगलादेशविरुद्धच्या वनडे मालिकेसाठी संघात समावेश करण्यात आला आहे. जोएल डेव्हिस केवळ बांगलादेशविरुद्धच्या टी-20 मालिकेत खेळताना दिसणार आहे.
आयपीएल 2026 मध्ये खेळणारे ट्रॅव्हिस हेड, कूपर कॉनोली, बेन द्वारशुइस आणि झेवियर बार्टलेट बांगलादेशविरुद्धच्या वनडे मालिकेत पीक, स्टॅनलेक, मेरेडिथ आणि मॅट शॉर्टची जागा घेतील. एकदिवसीय फॉर्मेटमधून निवृत्त झालेल्या ग्लेन मॅक्सवेलला टी-20 संघात स्थान देण्यात आलेले नाही.
पीक, स्कॉट आणि डेव्हिस यांना त्यांच्या उत्कृष्ट देशांतर्गत कामगिरीबद्दल पुरस्कृत करण्यात आले आहे. स्कॉटला 2025/26 साठी शेफील्ड शील्ड प्लेअर ऑफ द इयर म्हणून घोषित करण्यात आले, तर डेव्हिस हा 2025/26 बिग बॅश लीगमधील सर्वात महत्त्वाचा खेळाडू होता. ओली पीक 2026 च्या अंडर-19 विश्वचषक स्पर्धेत ऑस्ट्रेलियन संघाचा कर्णधार होता, त्यानंतर त्याचा ऑस्ट्रेलिया अ संघात समावेश करण्यात आला.
निवड समितीचे अध्यक्ष जॉर्ज बेली म्हणाले, “नवीन खेळाडूंना आंतरराष्ट्रीय क्रिकेट खेळण्याची संधी मिळणे आणि राष्ट्रीय संघाचा भाग बनणे नेहमीच रोमांचक असते. अनुभवी खेळाडूंसह नवीन आणि पुनरागमन करणाऱ्या खेळाडूंचे मिश्रण उपखंडाच्या दौऱ्यावर महत्त्वाचे ठरेल.”
पाकिस्तानविरुद्धच्या वनडे मालिकेसाठी ऑस्ट्रेलियाचा संघ
मिचेल मार्श (कर्णधार), ॲलेक्स कॅरी, नॅथन एलिस, कॅमेरॉन ग्रीन, जोश इंग्लिस, मॅथ्यू कुह्नेमन, मार्नस लॅबुशेन, रिले मेरेडिथ, ऑलिव्हर पीक, मॅथ्यू रेनशॉ, तन्वीर संघा, लियाम स्कॉट, मॅट शॉर्ट, बिली स्टॅनलेक आणि ॲडम झाम्पा.
बांगलादेशविरुद्धच्या वनडे मालिकेसाठी ऑस्ट्रेलियाचा संघ
मिचेल मार्श (कर्णधार), झेवियर बार्टलेट, ॲलेक्स कॅरी, कूपर कोनोली, बेन द्वारशुइस, नॅथन एलिस, कॅमेरॉन ग्रीन, ट्रॅव्हिस हेड, जोश इंग्लिस, मॅथ्यू कुहनेमन, मार्नस लॅबुशेन, मॅथ्यू रेनशॉ, तन्वीर संघा, लियाम स्कॉट आणि ॲडम झाम्पा.
बांगलादेशविरुद्धच्या T20 मालिकेसाठी ऑस्ट्रेलियाचा संघ
मिचेल मार्श (कर्णधार), झेवियर बार्टलेट, कूपर कॉनोली, टिम डेव्हिड, जोएल डेव्हिस, नॅथन एलिस, कॅमेरॉन ग्रीन, आरोन हार्डी, ट्रॅव्हिस हेड, जोश इंग्लिस, स्पेन्सर जॉन्सन, मॅथ्यू कुह्नेमन, रिले मेरेडिथ, जोश फिलिप, मॅथ्यू रेनशॉ आणि ॲडम झाम्पा.