शुभमन गिल, साई सुदर्शन आणि वॉशिंग्टन सुंदर यांच्या स्फोटक फलंदाजीमुळे गुजरात टायटन्सने राजस्थान रॉयल्सविरुद्ध आयपीएल 2026 मधील त्यांची सर्वोच्च धावसंख्या बनवली. जयपूरच्या सवाई मानसिंग स्टेडियमवर नाणेफेक गमावून प्रथम फलंदाजीला आलेल्या गुजरात टायटन्सने 20 षटकांत 4 गडी गमावून 229 धावा केल्या. शेवटच्या षटकात 21 धावा झाल्या. या मोसमाच्या सुरुवातीला गुजरातची सर्वोच्च धावसंख्या 210 होती. आता राजस्थान रॉयल्ससमोर 230 धावांचे मोठे लक्ष्य आहे.
गुजरातकडून कर्णधार शुभमन गिलने 44 चेंडूत 84 धावांची शानदार खेळी केली. त्याच्या बॅटमधून 9 चौकार आणि 3 षटकार आले. तर साई सुदर्शनने 36 चेंडूंत 6 चौकार आणि 2 षटकारांच्या मदतीने 55 धावा केल्या. या दोघांनी पहिल्या विकेटसाठी 118 धावांची शानदार भागीदारी केली. शेवटी वॉशिंग्टन सुंदर 20 चेंडूत 37 धावा काढून नाबाद परतला. त्याने 2 चौकार आणि 3 षटकार मारले.
गुजरातकडून साई सुदर्शनने 55, शुभमन गिलने 84, जोस बटलरने 10 चेंडूत 13*, वॉशिंग्टन सुंदरने 20 चेंडूत 37*, जेसन होल्डरने 07 चेंडूत 07* आणि राहुल तेवतियाने 04 चेंडूत 14* धावा केल्या. राजस्थानकडून ब्रिजेश शर्माने दोन बळी घेतले. याशिवाय रवींद्र जडेजा आणि यशराज पुंजा यांना प्रत्येकी एक विकेट मिळाली.
शुभमन गिल आणि साई सुदर्शन यांनी इतिहास रचला
गुजरात टायटन्सची सलामी जोडी म्हणून शुभमन गिल आणि साई सुदर्शन यांनी इतिहास रचला आहे. आयपीएलमध्ये पहिल्या विकेटसाठी सर्वाधिक शतकी भागीदारी करणाऱ्या गिल-सुदर्शन ही गुजरात टायटन्सची ‘नंबर-1’ जोडी बनली आहे. ही जोडी कोणत्याही संघाकडून सलामीची जोडी म्हणून जास्तीत जास्त शतकी भागीदारी करण्याच्या बाबतीत संयुक्तपणे अव्वल स्थानावर पोहोचली आहे. याआधी डेव्हिड वॉर्नर-शिखर धवन आणि अभिषेक शर्मा-ट्रॅव्हिस हेड या जोडीने सनरायझर्स हैदराबादसाठी सलामीवीर म्हणून ६-६ वेळा शतकी भागीदारी केली होती. या यादीत डेव्हिड वॉर्नर-जॉनी बेअरस्टो (सनराईजर्स हैदराबाद) आणि फाफ डू प्लेसिस- यांचा समावेश आहे.विराट कोहली (रॉयल चॅलेंजर्स बंगळुरू) 5-5 भागीदारीसह संयुक्त दुसऱ्या स्थानावर आहे.
