रायन रिक्लेटनने 44 चेंडूत शतक पूर्ण करून इतिहास रचला आहे. रिक्लेटन आता आयपीएलच्या इतिहासात मुंबई इंडियन्ससाठी सर्वात जलद शतक झळकावणारा फलंदाज बनला आहे. सनरायझर्स हैदराबादविरुद्धच्या सामन्यात त्याने ही कामगिरी केली. शतक पूर्ण करण्यापर्यंत त्याने आपल्या ऐतिहासिक खेळीत 8 चौकार आणि 7 षटकार मारले.
मुंबई इंडियन्ससाठी सर्वात वेगवान शतक
रायन रिक्लेटन आता एमआयसाठी सर्वात जलद शतक झळकावणारा फलंदाज बनला आहे. त्याने सनथ जयसूर्या आणि टिळक वर्मा यांचा विक्रम मोडला, या दोघांनी मुंबई इंडियन्ससाठी 45 चेंडूत शतके पूर्ण केली होती. आयपीएल 2026 मध्ये, रिक्लेटन हा मुंबई इंडियन्सचा तिसरा फलंदाज आहे ज्याने या हंगामात शतकी खेळी खेळली आहे. याच मोसमात टिळक वर्मा आणि क्विंटन डी कॉक यांनीही मुंबईसाठी शतके झळकावली आहेत.
- ४४ चेंडू – रायन रिक्लेटन (वि. एसआरएच)
- ४५ चेंडू – सनथ जयसूर्या (वि. सीएसके)
- ४५ चेंडू – टिळक वर्मा (वि. जीटी)
- ४७ चेंडू – कॅमेरॉन ग्रीन (वि. एसआरएच)
रायन रिक्लेटनने कोलकाता नाईट रायडर्सविरुद्धच्या या मोसमातील पहिल्या सामन्यात ८१ धावांची दमदार खेळी केली. पण त्यानंतर तो सतत फ्लॉप होत होता, त्यामुळे त्याला पंजाब किंग्ज आणि चेन्नई सुपर किंग्जविरुद्धच्या सामन्यांच्या प्लेइंग इलेव्हनमधून बाहेर ठेवण्यात आले होते. मात्र सनरायझर्स हैदराबादविरुद्धच्या सामन्यात पुनरागमन करताच त्याने ऐतिहासिक कामगिरी केली.
