ICC T20 विश्वचषक 2026 मध्ये पाकिस्तान क्रिकेट संघाची अतिशय निराशाजनक कामगिरी झाली. ICC स्पर्धेत पुन्हा एकदा खराब कामगिरी केल्यानंतर पाकिस्तानी संघाच्या सर्व खेळाडूंना दंड ठोठावण्यात आला आहे. पाकिस्तानला सलग चौथ्यांदा जागतिक स्तरावरील स्पर्धेची उपांत्य फेरी गाठता आलेली नाही. यंदाच्या T20 विश्वचषकाच्या सुपर-8 मधून पाकिस्तान बाहेर पडल्यानंतर, पाकिस्तान क्रिकेट बोर्डाने (PCB) खेळाडूंवर कठोर कारवाई केली आहे आणि T20 विश्वचषकासाठी पाकिस्तानी संघाच्या सर्व खेळाडूंना दंड ठोठावला आहे, असा दावा अनेक माध्यमांनी केला आहे.
पीसीबीने खेळाडूंना 50 लाखांचा दंड ठोठावला आहे
पीसीबीने पाकिस्तानी संघाच्या सर्व खेळाडूंना 50 लाख रुपयांचा दंड ठोठावला आहे. हा दंड पीसीबीने अनुशासनहीनतेसाठी नाही, तर टी-20 विश्वचषक 2026 मधील खराब कामगिरीसाठी ठोठावला आहे. मीडिया रिपोर्ट्सनुसार, ग्रुप स्टेज मॅचमध्ये भारताचा 61 रन्सच्या मोठ्या फरकाने पराभव झाल्यानंतर हा दंड ठोठावण्यात आला आहे. पाकिस्तानी संघ उपांत्य फेरीत पोहोचल्यास हा दंड माफ करण्यात येईल, अशी अट पीसीबीने घातली होती.
शहीद आफ्रिदीने खेळाडूंवर लावण्यात आलेल्या दंडावर विधान केले
पाकिस्तानचा दिग्गज अष्टपैलू खेळाडू आणि माजी कर्णधार शाहिद आफ्रिदीने साम टीव्हीशी बोलताना सांगितले की, मीडिया रिपोर्ट्समुळे मला आश्चर्य वाटत आहे. खेळाडूंना दंड ठोठावण्यात आला म्हणून नाही, तर त्यांना अतिशय हलकी शिक्षा झाली म्हणून. ते म्हणाले, ‘हा निर्णय अनाकलनीय आहे. हा विचार खूप छोटा आहे. ही खूप कमी रक्कम आहे. 50 लाखात काय होणार? हा दंडही वाटत नाही.
पाकिस्तानी संघातील काही खेळाडूंना दोन वर्षांसाठी वगळावे
शाहिद आफ्रिदीने आणखी कठोर कारवाईची मागणी करत म्हटले की, ‘प्रथम श्रेणी क्रिकेटमध्ये कामगिरी न करणाऱ्या खेळाडूंना पाठवा. असे काही खेळाडू आहेत जे किमान दोन वर्षे पाकिस्तानी संघात नसावेत. फक्त पुरे.’ सर्व खेळाडूंना दंड ठोठावण्यात आला असला तरी या स्पर्धेत एक खेळाडू शाहिदजादा फरहानने पाकिस्तानसाठी चमकदार कामगिरी केली. त्याने सात सामन्यांत दोन शतके झळकावत टी-२० विश्वचषकात सर्वाधिक धावा करण्याचा विक्रम मोडीत काढला.
