IPL 2026 च्या 20 व्या सामन्यात, रॉयल चॅलेंजर्स बंगलोर (RCB) ने चमकदार कामगिरी करत मुंबई इंडियन्सचा (MI) 18 धावांनी पराभव केला. आरसीबीने दिलेल्या 241 धावांच्या लक्ष्याचा पाठलाग करताना एमआयला 20 षटकात 5 गडी गमावून केवळ 222 धावा करता आल्या.
आरसीबीने दिलेल्या २४१ धावांच्या विशाल लक्ष्याचा पाठलाग करताना मुंबई इंडियन्सची सुरुवात चांगली झाली. रायन रिकेल्टन आणि रोहित शर्मा ही जोडी चांगलीच लयीत असल्याचे दिसून आले. तथापि, हाताच्या दुखापतीमुळे, रोहित 19 धावा करून निवृत्त झाला आणि पुन्हा फलंदाजीला आला नाही. रिकेल्टनने 22 चेंडूंत 3 चौकार आणि तीन षटकारांच्या मदतीने 37 धावा केल्या. कर्णधार सूर्यकुमार यादव चांगल्या सुरुवातीचा फायदा उठवण्यात अपयशी ठरला आणि 22 चेंडूत 33 धावा करून तो बाद झाला. टिळक वर्मालाही फलंदाजीत विशेष काही दाखवता आले नाही आणि त्यांना एकच धाव करता आली.
हार्दिक पांड्याने काही दमदार शॉट्स खेळले आणि 22 चेंडूत 40 धावा केल्यानंतर तो जेकब डफीचा बळी ठरला. हार्दिकने या खेळीत 6 चौकार आणि 1 षटकार लगावला. नमन धीरला एकच धाव करता आली. शेरफेन रदरफोर्डने तुफानी फलंदाजी करत अवघ्या 31 चेंडूत 71 धावांची नाबाद खेळी केली, पण तो संघाला विजयापर्यंत नेऊ शकला नाही. रदरफोर्डने या खेळीत एक चौकार आणि 9 षटकार मारले. सँटनर 8 धावा करून नाबाद राहिला. गोलंदाजीत आरसीबीकडून सुयश शर्माने सर्वाधिक 2 बळी घेतले, तर जेकब डफीने एक विकेट घेतली.
तत्पूर्वी, नाणेफेक हारल्यानंतर प्रथम फलंदाजी करताना आरसीबीने 20 षटकांत 4 गडी गमावून 240 धावा केल्या. फिल सॉल्ट आणि विराट कोहली संघाला शानदार सुरुवात करून दिली आणि पहिल्या विकेटसाठी 120 धावांची भागीदारी केली. कोहलीने 38 चेंडूत 50 धावा केल्या, तर सॉल्टने 36 चेंडूत 78 धावांची शानदार खेळी केली. सॉल्टने या खेळीत 6 चौकार आणि 6 षटकार मारले. कर्णधार रजत पाटीदार उत्कृष्ट फॉर्ममध्ये दिसला आणि त्याने 20 चेंडूत 53 धावा केल्या.
शेवटच्या षटकांमध्ये टीम डेव्हिडने केवळ 16 चेंडूंचा सामना करत नाबाद 34 धावा केल्या, तर जितेश शर्माला केवळ 10 धावा करता आल्या. गोलंदाजीत मुंबई इंडियन्सकडून बोल्ट-हार्दिक, सँटनर आणि शार्दुल यांनी प्रत्येकी एक बळी घेतला. आरसीबीचा या मोसमातील हा तिसरा विजय आहे. त्याचवेळी, MI ला IPL 2026 मध्ये तिसऱ्या पराभवाला सामोरे जावे लागले आहे.
