लखनौ सुपर जायंट्सविरुद्ध सनरायझर्स हैदराबादचे फलंदाज चमत्कार करू शकले नसले तरीही संघाने इतिहास रचला आहे. वास्तविक, या सामन्यात सनरायझर्स हैदराबादने 30 धावांच्या आत 4 विकेट गमावल्या होत्या. यानंतरही सनरायझर्स हैदराबादने 156 धावा केल्या. यासह हैदराबादच्या नावावर एक मोठा विक्रम झाला आहे. 30 धावांच्या आत 4 विकेट पडून एवढी मोठी धावसंख्या करणारा हैदराबाद हा आयपीएलच्या इतिहासातील पहिला संघ ठरला आहे.
यापूर्वी आयपीएलमध्ये गुजरात टायटन्सने 30 धावांच्या आत 4 गडी गमावल्यानंतर सर्वाधिक धावा करण्याचा विक्रम केला होता. IPL 2023 मध्ये गुजरातने 29 धावांवर 4 विकेट गमावल्यानंतर 154 धावा केल्या होत्या. आज, रविवारी, सनरायझर्स हैदराबादने 26 धावांवर चार विकेट गमावल्यानंतर 156 धावा केल्या, जी 30 धावांवर चार विकेट गमावल्यानंतर आयपीएलमधील कोणत्याही संघाची सर्वोच्च धावसंख्या आहे.
10 षटकात केवळ 35 धावा झाल्या, पॉवरप्लेमध्ये 22 धावा झाल्या.
पॉवरप्लेमध्ये सनरायझर्स हैदराबादने पहिल्या 6 षटकांत केवळ 22 धावा केल्या होत्या. संघाची धावसंख्या 10 षटकात 35 धावा होती. हैदराबादचा संघ 100 धावांपर्यंत पोहोचू शकणार नाही असे वाटत होते, पण हेनरिक क्लासेन आणि नितीश कुमार रेड्डी यांनी पाचव्या विकेटसाठी 116 धावांची भागीदारी करून इतिहास रचला. क्लासेनने 41 चेंडूत 62 धावांची खेळी खेळली. त्याच्या बॅटमधून 5 चौकार आणि 2 षटकार आले. तर रेड्डीने 33 चेंडूत 56 धावा केल्या. रेड्डीने 3 चौकार आणि 5 षटकार मारले.
लखनौच्या मोहम्मद शमीने इतिहास रचला
शमीने 4 षटकात 2.20 च्या इकॉनॉमीसह केवळ 09 धावा दिल्या. यासह त्याने 2 विकेट्सही घेतल्या. या आकड्यासह शमी लखनौ सुपर जायंट्ससाठी 4 षटकांच्या स्पेलमध्ये सर्वात कमी धावा देणारा गोलंदाज ठरला. यापूर्वी हा विक्रम कृणाल पांड्याच्या नावावर होता. 2022 च्या हंगामात, क्रुणालने 4 षटकांच्या स्पेलमध्ये 2.75 च्या इकॉनॉमीसह 11 धावा खर्च केल्या.
