IPL 2026 च्या क्वालिफायर-1 मध्ये रॉयल चॅलेंजर्स बंगलोर (RCB) ने इतिहास रचला आहे. धर्मशाला येथे गुजरात टायटन्स विरुद्धच्या पहिल्या क्वालिफायरमध्ये RCB ने 20 षटकात 5 गडी गमावून 254 धावा केल्या. आयपीएलच्या इतिहासातील प्लेऑफमधील ही सर्वात मोठी धावसंख्या आहे. आता हा सामना जिंकण्यासाठी गुजरात टायटन्सला 255 धावा कराव्या लागणार आहेत. आरसीबीचा कर्णधार रजत पाटीदारने अवघ्या 33 चेंडूत 93 धावांची शानदार खेळी केली. तिथेच विराट कोहली 25 चेंडूत 43 धावा केल्या. आरबीआयने शेवटच्या 6 षटकात 114 धावा केल्या.
गुजरात टायटन्सने नाणेफेक जिंकून प्रथम गोलंदाजी करण्याचा निर्णय घेतला होता, मात्र त्यांचा हा निर्णय पूर्णपणे चुकीचा ठरला. प्रथम फलंदाजी करताना RCB ने IPA च्या इतिहासातील कोणत्याही प्लेऑफ सामन्यातील सर्वोच्च धावसंख्या केली आहे. प्रथमच, IPL च्या कोणत्याही प्लेऑफ सामन्यात 250+ धावा झाल्या आहेत.
विराटने 600 धावा पूर्ण केल्या, रजत पाटीदारने 93 धावा केल्या
प्रथम फलंदाजीला आलेल्या आरसीबीसाठी व्यंकटेश अय्यरने पहिल्याच षटकात तीन चौकार मारले. येथून आज कोणत्या इराद्याने संघ मैदानात उतरला होता हे कळले. पॉवरप्लेमध्ये एका विकेटसाठी 76 धावा झाल्या. व्यंकटेश अय्यर सात चेंडूत १९ धावा करून बाद झाला. देवदत्त पडिक्कलने 19 चेंडूत 30 धावांची खेळी खेळली. विराट कोहलीने 25 चेंडूत पाच चौकार आणि एक षटकारासह 43 धावा केल्या.
6 षटकांत 76 धावांची धावसंख्या 10 षटकांत केवळ 99 पर्यंत पोहोचली. जेसन होल्डरने दोन विकेट घेत गुजरातचे जवळपास पुनरागमन केले, परंतु त्यानंतर क्रुणाल पांड्या आणि रजत पाटीदारने जबाबदारी स्वीकारली. या दोघांनी सुरुवातीला संयमी खेळ केला, पण सेटल झाल्यानंतर मोठे फटकेही मारले. पांड्या 28 चेंडूत 43 धावा करून बाद झाला. त्याने पाच चौकार आणि दोन षटकार मारले.
रजत पाटीदार शेवटपर्यंत गुजरातच्या गोलंदाजांची धुलाई करत राहिला. पाटीदारने अवघ्या 33 चेंडूत 93 धावांची शानदार खेळी केली. त्याच्या बॅटमधून 5 चौकार आणि 9 षटकार आले. तो नाबाद परतला. त्याच्यासह जितेश शर्मा पाच चेंडूत एक चौकार आणि एक षटकाराच्या मदतीने नाबाद 15 धावा करून माघारी परतला.
हेही वाचा-
कागिसो रबाडाने RCB विरुद्ध इतिहास रचला, IPL च्या एका आवृत्तीत सर्वाधिक बळी
