IPL 2026 SRH vs DC पूर्ण मॅच हायलाइट्स: IPL 2026 च्या 31 व्या सामन्यात सनरायझर्स हैदराबादने दिल्ली कॅपिटल्सचा 47 धावांनी पराभव केला. प्रथम फलंदाजी करताना, अभिषेक शर्माच्या शानदार शतकामुळे हैदराबादने 20 षटकांत 2 गडी गमावून 242 धावा केल्या. धावांचा पाठलाग करताना दिल्लीने 9.1 षटकांत एका क्षणी 100 धावा फलकावर लावल्या होत्या. मात्र यानंतर झटपट विकेट पडल्यामुळे दिल्लीला ४७ धावांनी पराभव स्वीकारावा लागला. हैदराबादचा घरच्या मैदानावरील हा सलग तिसरा विजय ठरला.
दिल्लीची सुरुवात खराब झाली. अवघ्या 21 धावांत पथुम निसांका (08) याच्या रूपाने संघाने पहिली विकेट गमावली. यानंतर नितीश राणा आणि केएल राहुल यांनी दुसऱ्या विकेटसाठी 45 चेंडूत 86 धावांची भागीदारी केली, जी 107 धावांवर केएल राहुलच्या विकेटसह संपली. दिल्लीने 107 धावांत दुसरी, तिसरी आणि चौथी विकेट गमावली.
राहुलने 23 चेंडूत 1 चौकार आणि 3 षटकारांच्या मदतीने 37 धावा केल्या. राहुलनंतर नितीश राणा 30 चेंडूंत 7 चौकार आणि 3 षटकारांच्या मदतीने 57 धावा करून पॅव्हेलियनमध्ये परतला. त्यानंतर चौथी विकेट डेव्हिड मिलरच्या रूपाने पडली, तो गोल्डन डकचा बळी ठरला.
ट्रिस्टन स्टब्स आणि समीर रिझवी यांच्यातील भागीदारी कामी आली नाही.
चार विकेट पडल्यानंतर ट्रिस्टन स्टब्स आणि समीर रिझवी यांनी पाचव्या विकेटसाठी 33 चेंडूत 59 धावांची भागीदारी केली, मात्र त्यांच्या या भागीदारीमुळे दिल्लीच्या विजयाचे अंतरच कमी होऊ शकले, पण ते विजयाकडे नेऊ शकले नाहीत. स्टब्सच्या विकेटसह ही भागीदारी 166 धावांवर संपुष्टात आली. स्टब्सने 16 चेंडूत 3 चौकार आणि 1 षटकारासह 27 धावा केल्या.
येथून संघाने झटपट विकेट गमावण्यास सुरुवात केली. संघाची सहावी विकेट 186 धावांवर, सातवी 192 धावांवर, आठवी 195 धावांवर आणि नववीही 195 धावांवर पडली. 20 षटकांत 9 गडी गमावून संघाला 195 धावांपर्यंतच मजल मारता आली. यादरम्यान मलिंगाने 4 आणि हर्ष दुबेने 3 बळी घेत हैदराबादसाठी महत्त्वपूर्ण योगदान दिले.
हे देखील वाचा: 10 षटकार आणि 10 चौकार, चौकारावरच ‘शतक’ पूर्ण; अभिषेक शर्माने दिल्लीविरुद्ध 5 मोठे विक्रम मोडले
