आयपीएलमधील सर्वात वेगवान शतक: IPL 2026 स्पर्धेत शतक झळकावणारा संजू सॅमसन पहिला फलंदाज ठरला आहे. शनिवारी दिल्ली कॅपिटल्सविरुद्धच्या सामन्यात त्याने ही कामगिरी केली. सॅमसनने 52 चेंडूत आपले शतक पूर्ण केले, जे त्याच्या आयपीएल कारकिर्दीतील सर्वात जलद शतक आहे. तसेच, आयपीएलमध्ये चेन्नई सुपर किंग्जकडून खेळताना त्याने शतक झळकावण्याची ही पहिलीच वेळ आहे.
IPL 2026 चे पहिले शतक
संजू सॅमसनने IPL 2026 मध्ये पहिले शतक झळकावले आहे. याआधी चालू हंगामातील सर्वोच्च धावसंख्या दिल्ली कॅपिटल्सच्या KL राहुलच्या नावावर होती, ज्याने 92 धावांची खेळी केली होती. त्याच्याशिवाय दिल्लीच्या समीर रिझवीनेही ९५ धावा केल्या होत्या, मात्र सॅमसनच्या नावावर पहिले शतक जमा झाले आहे.
सर्वात वेगवान शतकाचा विक्रम
संजू सॅमसनने दिल्ली कॅपिटल्सविरुद्धच्या सामन्यात 52 चेंडूत शतक पूर्ण केले. हे त्याचे वैयक्तिकरित्या आयपीएलचे सर्वात वेगवान शतक आहे. आत्तापर्यंत, त्याचे सर्वात वेगवान शतक 54 चेंडूत होते, जे त्याने 2019 च्या हंगामात राजस्थान रॉयल्सकडून खेळताना पंजाब किंग्ज विरुद्ध केले होते.
चेन्नई सुपर किंग्जचे आयपीएलमधील हे पाचवे जलद शतक आहे. सीएसकेसाठी सर्वात वेगवान शतक ठोकण्याचा विक्रम मुरली विजयच्या नावावर आहे, ज्याने 2010 मध्ये राजस्थान रॉयल्सविरुद्ध 46 चेंडूत शतक झळकावले होते. हा विक्रम गेल्या 16 वर्षांपासून मुरली विजयच्या नावावर आहे.
सॅमसनला टीकेने घेरले होते
संजू सॅमसनवर आतापर्यंत टीका होत होती, कारण आतापर्यंत चेन्नई सुपर किंग्जसाठी आयपीएल 2026 मधील 3 डावात त्याचा स्कोअर 6, 7 आणि 9 धावा होता. तीन डावात केवळ 22 धावा केल्याबद्दल सॅमसनवर टीका होत होती. पण दिल्ली कॅपिटल्सविरुद्ध शतक झळकावून त्याने आपल्या टीकाकारांच्या मुसक्या आवळल्या आहेत.
हे देखील वाचा:
