T20 विश्वचषकातील सर्वोच्च भागीदारी: पाकिस्तान आणि श्रीलंका यांच्यातील सुपर-8 सामन्यात अनेक विक्रमांची नोंद झाली आहे. साहिबजादा फरहान आणि फखर जमान यांनी T20 विश्वचषकाच्या इतिहासातील सर्वात मोठ्या भागीदारीचा विक्रम केला आहे. याआधी फरहानच्या नावावर टी-२० वर्ल्ड कपमध्ये सर्वाधिक धावा करण्याचा विक्रम आहे. फरहान आणि फखरने न्यूझीलंडच्या टीम सेफर्ट आणि फिन ऍलनचा विक्रम मोडला, ज्यांनी यावर्षी १७५ धावांची भागीदारी केली होती.
जागतिक विक्रम झाला
आतापर्यंत टी२० विश्वचषकाच्या इतिहासात कोणत्याही विकेटसाठी सर्वात मोठी भागीदारी करण्याचा विक्रम न्यूझीलंडच्या टिम सेफर्ट आणि फिन ऍलनच्या नावावर होता. सेफर्ट आणि ॲलन यांनी या विश्वचषकात यूएईविरुद्ध १७५ धावांची नाबाद भागीदारी केली होती. आता पाकिस्तानच्या साहिबजादा फरहान आणि फखर जमान यांनी 176 धावांची भागीदारी करून सर्वात मोठ्या भागीदारीचा विश्वविक्रम केला आहे.
- 176 धावा – साहिबजादा फरहान आणि फखर जमान (PAK) – 2026
- 175 धावा – टिम सेफर्ट आणि फिन ऍलन (NZ) – 2026
- 170 धावा – जोस बटलर आणि ॲलेक्स हेल्स (ENG) – 2022
साहिबजादा फरहान 2026 च्या T20 विश्वचषकात सर्वाधिक धावा करणारा खेळाडू आहे. श्रीलंकेविरुद्धच्या सुपर-8 सामन्यात त्याने शतक झळकावले, जे त्याचे या विश्वचषकातील दुसरे शतक होते. तर फखर जमानने 42 चेंडूत 84 धावांची तुफानी खेळी केली.
भारतीयांबद्दल बोलायचे झाले तर, T20 विश्वचषकाच्या इतिहासात कोणत्याही दोन फलंदाजांमध्ये 150 धावांची भागीदारी झालेली नाही. भारतासाठी T20 विश्वचषकातील सर्वात मोठी भागीदारी रोहित शर्मा आणि केएल राहुल यांच्या नावावर आहे, ज्यांनी 2021 च्या विश्वचषकात अफगाणिस्तानविरुद्ध 140 धावांची भागीदारी केली होती.
