भारताचा एकदिवसीय कर्णधार शुभमन गिलने धर्मशाला येथे खेळल्या गेलेल्या अफगाणिस्तानविरुद्धच्या पहिल्या सामन्यात एक मोठा विक्रम आपल्या नावावर केला. पावसाने प्रभावित झालेल्या या 25 षटकांच्या सामन्यात शुभमन गिलने 66 चेंडूत नाबाद 84 धावांची मॅचविनिंग इनिंग खेळली. या दमदार खेळीचा परिणाम म्हणून शुभमन गिल एकदिवसीय क्रिकेटमध्ये सर्वात जलद 3,000 धावा करणारा भारतीय ठरला आहे. त्याने शिखर धवनला मागे टाकत हा विक्रम आपल्या नावावर केला.
एकदिवसीय क्रिकेटमध्ये शुबमन गिल हा भारताचा सर्वात जलद ३ हजार धावा पूर्ण करणारा फलंदाज ठरला आहे. त्याने 61 व्या डावात ही कामगिरी केली. गिलने या प्रकरणात भारताचा माजी सलामीवीर शिखर धवनला मागे टाकले आहे. धवनने ७२व्या डावात हा टप्पा गाठला होता.
जागतिक क्रिकेटबद्दल बोलायचे झाले तर, एकदिवसीय क्रिकेटमध्ये सर्वात जलद 3,000 धावा करण्याच्या बाबतीत शुभमन गिल दुसऱ्या स्थानावर आहे. त्याने 61 व्या डावात तीन हजार धावांचा आकडा गाठला. या विक्रम यादीत दक्षिण आफ्रिकेचा माजी फलंदाज हाशिम आमला पहिल्या क्रमांकावर आहे. अमलाने वनडेच्या ५७ व्या डावात ३ हजार धावा पूर्ण केल्या होत्या.
कर्णधार शुभमन गिलने भारतासाठी मॅचविनिंग इनिंग खेळली
भारत आणि अफगाणिस्तान यांच्यातील पहिला एकदिवसीय सामना पावसामुळे प्रत्येकी 25 षटकांचा खेळवण्यात आला. अफगाणिस्तानने प्रथम खेळून 194 धावा केल्या. १९५ धावांच्या लक्ष्याचा पाठलाग करणाऱ्या भारतीय संघाला रोहित शर्मा आणि शुभमन गिल यांनी दमदार सुरुवात करून दिली. रोहित 16 धावा करून धावबाद झाला. यानंतर कर्णधार शुभमन गिलने इशान किशनच्या साथीने दुसऱ्या विकेटसाठी अवघ्या 43 चेंडूत 70 धावांची महत्त्वपूर्ण भागीदारी केली.
ईशान 22 चेंडूत 3 चौकार आणि 1 षटकाराच्या मदतीने 34 धावा करून बाद झाला. मात्र, गिल एका टोकाला खंबीरपणे उभा राहिला आणि संघाला विजयापर्यंत नेऊन परतला. त्याने 66 चेंडूत 11 चौकार आणि 2 षटकारांच्या मदतीने नाबाद 84 धावा केल्या. तर, केएल राहुलने 19 चेंडूत 39 धावा करून नाबाद राहिला.
हेही वाचा-
‘वैभव सूर्यवंशी रोज 100 षटकांचा सराव करायचा’, प्रशिक्षकाचा मोठा खुलासा; यशाचे रहस्य सांगितले
