गुजरात टायटन्सविरुद्धच्या क्वालिफायर-2मध्ये वैभव सूर्यवंशीने इतिहास रचला आहे. आयपीएलमध्ये सर्वात जलद 1000 धावा करणारा भारतीय फलंदाज होण्याचा विक्रम वैभवच्या नावावर जमा झाला आहे. त्याने कारकिर्दीतील 23व्या डावात एक हजार धावांचा टप्पा पार केला. त्याने केवळ कमी डाव खेळूनच नव्हे तर सर्वात कमी चेंडू खेळून 1000 धावा पूर्ण करण्याचा पराक्रम केला आहे.
क्वालिफायर-2 सामन्यापूर्वी वैभवने 22 डाव खेळून आयपीएल कारकिर्दीत 932 धावा केल्या होत्या. त्याने गुजरातविरुद्ध 68 धावा करताच एक हजार धावा पूर्ण केल्या. सर्वात जलद 1000 धावा पूर्ण करण्यासाठी त्याने साई सुदर्शनला मागे सोडले. सुदर्शनने 25 डावात 1000 धावा पूर्ण केल्या होत्या.
IPL मध्ये सर्वात जलद 1000 धावा (भारतीय)
- २३ डाव – वैभव सूर्यवंशी
- 25 डाव – साई सुदर्शन
- 30 डाव – रजत पाटीदार
- ३१ डाव – सचिन तेंडुलकर
मात्र, आयपीएलमध्ये सर्वात जलद 1000 धावा पूर्ण करण्याचा विक्रम शॉन मार्शच्या नावावर आहे, ज्याने 21 डावात 1000 धावा पूर्ण केल्या होत्या. मात्र भारतीयांमध्ये वैभव पुढे गेला आहे. सर्वात कमी चेंडू खेळून 1000 धावा करण्याचा विक्रमही वैभव सूर्यवंशीच्या नावावर जमा झाला आहे. त्याने 440 चेंडू खेळून एक हजार धावा पूर्ण केल्या. त्याने आंद्रे रसेलचा विक्रम मोडला ज्याने ५४५ चेंडूत हा टप्पा गाठला होता.
हे देखील वाचा:
